XalqXəbər.Az

www.XALQXEBER.az » Hadisə » Zərdabda polis əməliyyatı: Silsilə oğurluqlar edən dəstə üzvləri saxlanılıblar

Zərdabda polis əməliyyatı: Silsilə oğurluqlar edən dəstə üzvləri saxlanılıblar

Zərdabda polis əməliyyatı: Silsilə oğurluqlar edən dəstə üzvləri saxlanılıblar
24-12-2019, 11:23

Zərdabda mağazalardan silsilə oğurluqlar edən dəstə üzvləri saxlanılıblar...
Daxili İşlər Nazirliyinin Mətbuat Xidmətindən verilən məlumata görə, Zərdab Rayon Polis Şöbəsinə rayon ərazisində fəaliyyət göstərən 3 mağazanın sahibi onlara məxsus obyektlərdən naməlum şəxslər tərəfindən pul, danışıq kartları, tütün məmulatları, spirtli içkilər və ərzaq məhsullarının oğurlnması barədə məlumat veriblər.

Şöbə əməkdaşları tərəfindən dərhal hadisə yerinə baxış keçirilib və zərərçəkənlərin izahatları alınıb. Həyata keçirilən təxirəsalınmaz əməliyyat-axtarış tədbirləri nəticəsində həmin hadisələrin Zərdab rayonu Əlibəyli kənd sakinləri Yalçın Qasımzadə, Elmaz Hüseynov və Ələddin İsazadə tərəfindən törədildiyi müəyyən edilib.

Faktla bağlı Zərdab Rayon Polis Şöbəsində Cinayət Məcəlləsinin müvafiq maddələri ilə cinayət işi başlanılıb. Saxlanılan şəxslərin Zərdab və ətraf rayonlarda digər hüquqazidd əməllərdə iştirak edib-etmədikləri araşdırmalardan sonra məlum olacaq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.