XalqXəbər.Az

www.XALQXEBER.az » Sosial » Ramiz Mehdiyev Hesablama Palatasının sədrini AMEA-ya dəvət etdi - FOTO

Ramiz Mehdiyev Hesablama Palatasının sədrini AMEA-ya dəvət etdi - FOTO

Ramiz Mehdiyev Hesablama Palatasının sədrini AMEA-ya dəvət etdi - FOTO
24-01-2020, 10:31

Akademiyanın Rəyasət Heyətində AMEA əməkdaşlarının Azərbaycan Respublikası Hesablama Palatasının sədri Vüqar Gülməmmədovla görüşü keçirilib.
Pravda.az-ın xəbərinə görə, AMEA-nın prezidenti, akademik Ramiz Mehdiyev görüşün Azərbaycan Respublikasının daimi fəaliyyət göstərən dövlət büdcə-maliyyə nəzarəti orqanının sədri Vüqar Gülməmmədovun Akademiya əməkdaşlarını maraqlandıran sualları cavablandırmaq və əməkdaşlara tövsiyələrini vermək məqsədilə təşkil olunduğunu diqqətə çatdırıb.
Sonra Azərbaycan Respublikasının Hesablama Palatasının sədri Vüqar Gülməmmədov rəhbərlik etdiyi qurumun faəliyyəti barədə məlumat verib, prioritet istiqamətlərdən söz açıb. Azərbaycan Milli Elmlər Akademiyasının 28 dekabr 2019-cu il tarixdə keçirilmiş Ümumi yığıncağında qəbul edilmiş “AMEA-nın 2020-2025-ci illər üzrə inkişaf proqramı”nın strateji istiqamətlərindən danışan Vüqar Gülməmmədov bu proqramın böyük əhəmiyyət kəsb etdiyini vurğulayıb. O, AMEA-da qarşıya qoyulan məqsədlərə çatmaq üçün elmin inkişafına dair proqramın prioritet istiqamətlər kimi qəbul edilməsinin ölkəmizdə elmin yüksək templə inkişafı ilə yanaşı, Akademiyada müxtəlif qurumlarla səmərəli iş birliyinə imkan verən sistemin qurulmasına şərait yaradacağına əminliyini ifadə edib. Həmçinin dövlət əmlakının idarə edilməsi, büdcə vəsaitlərinin dövlət qurumları tərəfindən istifadə qaydaları və s. bəhs edən Azərbaycan Respublikasının ali maliyyə nəzarəti orqanının sədri bir sıra vacib məsələlər barədə tövsiyələrini bildirib.
Sonra Hesablama Palatasının sədri Vüqar Gülməmmədov AMEA əməkdaşlarının çoxsaylı suallarını cavablandırıb. Sual-cavab müzakirələrində AMEA Rəyasət Heyətinin üzvləri, elmi-tədqiqat müəssisələrinin rəhbərləri, elmi əməkdaşlar iştirak ediblər.
Sonda akademik Ramiz Mehdiyev səmərəli görüşdə iştirakına, alimləri maraqlandıran sualları cavablandırdığına və verdiyi tövsiyələrə görə Vüqar Gülməmmədova minnətdarlığını ifadə edib. AMEA rəhbəri rəsmi dövlət qurumlarının rəhbərləri ilə akademiya əməkdaşlarının belə formatda görüşlərinin bundan sonra da davam etdiriləcəyini diqqətə çatdırıb.
Ramiz Mehdiyev Hesablama Palatasının sədrini AMEA-ya dəvət etdi - FOTO

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.