XalqXəbər.Az

XalqXeber.Az » Cəmiyyət » Bu gün III ixtisas qrupu üzrə İMTAHAN KEÇİRİLƏCƏK

Bu gün III ixtisas qrupu üzrə İMTAHAN KEÇİRİLƏCƏK

Bu gün III ixtisas qrupu üzrə İMTAHAN KEÇİRİLƏCƏK
21-05-2022, 10:16

 
Bu gün Dövlət İmtahan Mərkəzi tərəfindən III ixtisas qrupu üzrə ali təhsil müəssisələrinə qəbul imtahanı keçiriləcək.


Bu barədə Dövlət İmtahan Mərkəzindən məlumat verilib.

Bildirilib ki, imtahanda 21 521 abituriyentin iştirakı nəzərdə tutulur.

İmtahan Bakı, Naxçıvan, Gəncə, Şəmkir, Ağstafa, Sumqayıt, Mingəçevir, Şəki, Bərdə, Göyçay, Kürdəmir, Şirvan, Sabirabad, Salyan, Lənkəran, Masallı və Xaçmazda təşkil olunacaq.

İmtahan saat 11:00-da başlanır. İmtahanın başlanmasına 15 dəqiqə qalmış – saat 10:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

Kütləviliyin qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib.

Qeyd olunub ki, imtahan binasına buraxılış vərəqəsində qeyd olunan vaxtda gəlmək lazımdır.


XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.