XalqXəbər.Az

XalqXeber.Az » Cəmiyyət » Gültəkin Hacıbəylinin oğlunun ölkədən çıxışına icazə verildi

Gültəkin Hacıbəylinin oğlunun ölkədən çıxışına icazə verildi

Gültəkin Hacıbəylinin oğlunun ölkədən çıxışına icazə verildi
12-03-2021, 16:43

Sabiq deputat, Milli Şuranın üzvü Gültəkin Hacıbəylinin oğlu Toğrul Mehdinin ölkədən çıxışına icazə verilib.

Bu barədə G.Hacıbəyli özü məlumat paylaşıb.

O bildirib ki, dünən Bakı Apellyasiya Məhkəməsində Almaniyada Universitetə daxil olmuş oğlunun ölkədən çıxışına icazə verilməsilə bağlı şikayətinə baxılıb.

Məhkəmə G.Hacıbəylinin şikayətini təmin edib və 17 yaşlı oğlu Toğrulun Almaniyada təhsil alması üçün ölkədən çıxışına icazə verilib.

Toğrul Mehdinin atası Mahmud Mehdiyev bir neçə il əvvəl Dövlət Sərhəd Xidmətinə ərizə ilə müraciət edərək onun ölkədən çıxışına icazə məqsədilə anasına verdiyi etibarnaməni ləğv etdirib. G.Hacıbəyli və M.Mehdiyev 2003-cü ildə boşanıblar.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.