XalqXəbər.Az

www.XALQXEBER.az » Cəmiyyət » Gömrük Komitəsinin vəzifəli şəxsinin qaçaqmalçılarla birgə ŞOK CİNAYƏTİ

Gömrük Komitəsinin vəzifəli şəxsinin qaçaqmalçılarla birgə ŞOK CİNAYƏTİ

Gömrük Komitəsinin vəzifəli şəxsinin qaçaqmalçılarla birgə ŞOK CİNAYƏTİ
18-06-2020, 11:46

Dövlət Gömrük Komitəsinin Astara Gömrük idarəsində gömrük hüquq pozmalarına qarşı mübarizə şöbəsinin baş inspektoru vəzifəsində işləmiş Ramin Ağayev, qaçaqmalçılıqda ittiham olunan Abdulla Abdullayev, Anar Məcidov, Cəfər Cəfərov, Hikmət Bəyverdiyev və Kamran Ələskərzadənin cinayət işi üzrə məhkəmə prosesi başa çatıb.
Demokrat.az-ın əldə etdiyi məlumata görə, Ramin Ağayev Dövlət Gömrük Komitəsinin Astara Gömrük idarəsində gömrük hüquq pozmalarına qarşı mübarizə şöbəsinin baş inspektoru vəzifəsində işləyərkən qəsdən tamah məqsədi ilə xidməti vəzifəsinin (səlahiyyətlərinin) icrası ilə əlaqədar qanunsuz hərəkətlərə görə pul vəsaiti alması barədə vədi şəxsən qəbul edib.
Bundan başqa, Ramin Ağayev Azərbaycan Respublikasının vətəndaşları Cəfər Cəfərov, Anar Məcidov, Hikmət Bəyverdiyev, Kamran Ələskərzadə, Abdulla Abdullayev və qeyriləri ilə cinayət əlaqəsinə girib.

Qabaqcadan əlbir olan bir qrup şəxs halında qəsdən tamah məqsədi ilə öz qulluq mövqeyindən istifadə edən Ramin Ağayev Azərbaycan Respublikasından dəyəri külli miqdar təşkil edən qızıl külçələri qaçaqmalçılıq yolu ilə, yəni Azərbaycan Respublikasının gömrük sərhədindən gömrük nəzarətindən gizli keçirilməsinə fəal köməklik göstərib.

Belə ki, Ramin Ağayev 2016-cı ilin oktyabr ayında Dövlət Gömrük Komitəsinin Astara Gömrük idarəsində gömrük hüquq pozmalarına qarşı mübarizə şöbəsinin baş inspektoru vəzifəsində işləyərkən Azərbaycan Respublikasının vətəndaşları Abdulla Abdullayev, Cəfər Cəfərov, Anar Məcidov, Hikmət Bəyverdiyev, Kamran Ələskərzadə, eləcə də şəxsiyyəti istintaqa Mehdi adı ilə məlum olan İran İslam Respublikasının vətəndaşı ilə qabaqcadan əlbir olan bir qrup şəxs halında qəsdən tamah məqsədi ilə öz qulluq mövqeyindən istifadə etməklə Azərbaycan Respublikasından dəyəri külli miqdarda təşkil edən qızıl külçələrini qaçaqmalçılıq yolu ilə İran İslam Respublikasına keçirilməsi barədə razılığa gəlib.
Daha sonra Abdulla Abdullayev və Anar Məcidov tərəfindən qrupun üzvü Kamran Ələskərzadə vasitəsi ilə qabaqcadan əlbir olan bir qrup şəxs halında qəsdən Azərbaycan Respublikasından dəyəri külli miqdarda təşkil edən qızıl külçələrini əldə edib, qaçaqmalçılıq yolu ilə İran İslam Respublikasına keçirilməsinə şərait və köməkliyin göstərilməsi üçün Ramin Ağayevə xidməti vəzifəsinin (səlahiyyətlərinin) icrası ilə əlaqədar qanunsuz hərəkətlərə görə 600 manat məbləğində rüşvət təklif olunub.

Ramin Ağayev qeyd olunan təklifi qəbul edərək 600 manat məbləğində rüşvəti qızıl külçələri gömrük sərhədindən gömrük nəzarətindən gizli keçirildikdən sonra alacağı barədə razılaşıb.

Bundan sonra, o, qəsdən tamah məqsədilə əvvəlcədən əldə olunmuş razılaşmaya əsasən və ümumi cinayətkar niyyətə uyğun olaraq gömrük xidməti üzrə xidməti vəzifəsinin (səlahiyyətlərinin) icrası ilə əlaqədar öz qulluq mövqeyindən istifadə etməklə 26 oktyabr 2016-cı il tarixə respublika daxili orta bazar ümumi pərakəndə satış qiyməti 477476 manat təşkil edən, ümumi çəkisi 6920 qram olan qızıl külçələrini ayaq və qarın nahiyələrinə yapışqan lentlə bağlayıb gizlədərək Dövlət Gömrük Komitəsinin Astara Gömrük İdarəsinin sərnişin ixrac xəttinə gələn, cinayətkar qrupun üzvü Cəfər Cəfərovu orada qarşılayıb.

Sonuncunun üzərində kifayət qədər metal əşya olduğuna dair stasionar metalaxtaran detektor səs və işıq siqnalı verməsinə baxmayaraq buna əhəmiyyət verməyib, Cəfər Cəfərovun üzərinə bağlayaraq gizlətdiyi külli miqdarda qızıl külçələrinin qaçaqmalçılıq yolu ilə, yəni Azərbaycan Respublikasının gömrük sərhədindən gömrük nəzarətindən gizli keçirilməsinə şərait yaratmaqla fəal köməklik göstərib.

26 oktyabr 2016-cı il tarixdə Azərbaycan Respublikası Dövlət Təhlükəsizliyi Xidmətinin və Dövlət Gömrük Komitəsinin əməkdaşları tərəfindən keçirilmiş əməliyyat tədbirləri zamanı Cəfər Cəfərov saxlanılıb və üzərinə baxış keçirilən zaman ayaq və qarın nahiyələrində gizlədilmiş qrup üzvlərinə məxsus külli miqdarda qızıl külçələri aşkar edilib.
Daha sonra keçirilən əməliyyat tədbirləri nəticəsində mütəşəkkil dəstənin digər üzvləri saxlanılıb.
İstintaq orqanı tərəfindən Ramin Ağayevin barəsində Cinayət Məcəlləsinin 32.5, 206.3.2-ci (içtirakçılıq, qaçaqmalçılıq - qabaqcadan əlbir olan bir qrup şəxs tərəfindən törədildikdə), 206.3.3-cü (qaçaqmalçılıq, əzifəli şəxs tərəfindən öz qulluq mövqeyindən istifadə edilməklə törədildikdə), 311.2-ci (vəzifəli şəxs tərəfindən qanunsuz hərəkətlərə (hərəkətsizliyə) görə rüşvət alma) maddələri ilə ittiham elan edilib.
Digər təqsirləndirilənlər - Abdulla Abdullayev, Anar Məcidov, Cəfər Cəfərov, Hikmət Bəyverdiyev və Kamran Ələskərzadənin barəsində Cinayət Məcəlləsinin (qaçaqmalçılıq - qabaqcadan əlbir olan bir qrup şəxs tərəfindən törədildikdə) və 312.2-ci (vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə) maddələri ilə ittiham verilib.
Lənkəran Ağır Cinayətlər Məhkəməsinin hökmü ilə Hikmət Bəyverdiyev 5 il, Ramin Ağayev 7 il, Cəfər Cəfərov 5 il, Kamran Əələskərzədə, Abdulla Abdullayev, Anar Məcidovun hər biri isə 6 il müddətinə azadlıqdan məhrum edilib.
Hökmdən narazı qalan RaminAğayev apelyasiya şikayəti verib. O, günahsız olduğunu, barəsində bəraət hökmünün çıxarılmasını istəyib.
Şirvan Apelyasiya Məhkəməsinin qərarı ilə onun barəsində bəraət hökmünün çıxarılması barədə verdiyi şikayət təmin olunmayıb.
Amma məhkəmə onun barəsində olan cəzanı dəyişdirib. Ramin Ağayevin cəzası 6 ilə endirilib. Hökmd qalan hissədə dəyişdirilməyib.
Bu qərardan narazı qalan Ramin Ağayev kasasiya şikayəti verib. O, kasasiya şikayətində barəsində bəraət hökmünün çıxarılmasını istəyib.
Ali Məhkəmənin qərarı ilə Ramin Ağayevin kasasiya şikayəti təmin olunmayıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.