SON DƏQİQƏ
XalqXeber.Az » Cəmiyyət » Onun da mandatı təhlükə altındadır... - İDDİA

Onun da mandatı təhlükə altındadır... - İDDİA

Tarix:

14-02-2020, 13:39

/ 1 010 dəfə oxundu.
Onun da mandatı təhlükə altındadır... - İDDİA

"Yenə sosial şəbəkələri də, daxil olan müraciətləri də araşdıracağıq. Bizə hələ poçtla da müraciətlər gələ bilər. Hesab edirəm ki, biz seçkilərə yekun vura biləcəyik". "Pravdainfo.org" xəbər verir ki, bunu Mərkəzi Seçki Komissiyasının (MSK) sədri Məzahir Pənahov deyib. "Seçki Məcəlləsinin tələbinə görə, səsvermə günündən 20 gün müddətinə qədər bütün daxil olan muraciətləri araşdırmalıyıq. Dairə seçki komissiyaları tərəfindən bizə təqdim olunan dairə protokollarını və onlara əlavə olunmuş sənədləri birgə araşdırmalıyıq. Onların əsasında addımlar atmalı və qərarlar qəbul etməliyik. Bununla da seçkilərə yekun vurub nəticələri Konstitusiya Məhkəməsinə göndərməliyik. Konstitusiya Məhkəməsi də 10 gün müddətində bu məsələlərə yekun vurmalıdır. Əgər ciddi zərurət yaranarsa və ehtiyac olarsa, o zaman Konstitusiya Məhkəməsi öz qərarı ilə bu müddəti daha 10 gün uzada bilər. Amma ümumilikdə bir ay ayrılıb, yəni 20 gün Mərkəzi Seçki Komissiyasına, 10 gün isə Konstitusiya Məhkəməsinə. Ona görə biz də qalan müddətdə yenə araşdıracağıq", - deyə MSK sədri bildirib.
***
"Pravdainfo.org" xatərladır ki, sosial şəbəkələrdə Ağdam 119 saylı DSK-dan 5-ci dəfə-25 ildir deputat edilən "Azərbaycan" qəzetinin baş redaktoru Bəxtiyar Sadıqov barədə kütləvi şikayətlər yayımlanmaqdadır. "Pravdainfo.org"a da göndərilən həmin şikayətdə Ağdamın bir sıra kənd və qəsəbələrindən olan seçicilər ötən 25 ildə üzünü belə görmədikləri Bəxtiyar Sadıqovun yenidən deputat seçilməsinə etiraz ifadə olunur, Prezident ilham Əliyevdən günahkarların cəzalandırılmasınıxahiş edirlər: "Cənab Prezident! Biz seçicilər, xüsusi tapşırıq almış nüəllimlər və inzibati orqan işçiləri istisna olmaqla, demək olar heç kim Bəxtiyar Sadıqova səs verməyib. 5 ildən bir rayona gəlib icra başçıları ilə görüşüb sağollaşan Bəxtiyar Sadıqovun necə seçildiyini bütün rayon bilir. Biz çoxsaylı seçicilər ona səs verməmişik və xahiş edirik, seçki protokolları yoxlanılsın, siyahılar araşdırılsın, bizim yerimizə kim bülleten atıbsa, onlar cinayət məsuliyyətinə cəlb edilsinlər və Bəxtiyar Sadıqovun nəticələri ləğv edilsin!".
Müraciətin tam mətni və imzalarla təqdim ediləcək.

Şərhlər

XƏBƏR LENTİ