XalqXəbər.Az

XalqXeber.Az » Sosial » Əfv nə vaxt olacaq? - Gözlənti

Əfv nə vaxt olacaq? - Gözlənti

Əfv nə vaxt olacaq? - Gözlənti
28-03-2018, 15:39

“Əfv Məsələləri Komissiyası fasiləsiz iş aparır. Sənədlər qəbul olunur və müvafiq arayışlar hazırlanıb komissiyaya təqdim olunur”.

Bu barədə AzVision.az-a Azərbaycan Respublikasının Prezidenti yanında Əfv Məsələləri Komissiyasının üzvü Əliməmməd Nuriyev deyib.
O bildirib ki, işlər hərtərəfli araşdırılmalıdır və bu, müəyyən müddət tələb edir: “Hazırda ərizələrə baxılması prosesi davam edir. Müraciətlər tam hazır olduqdan sonra komissiyanın iclasları keçirilir. Bu baxımdan proses davam etməkdədir”.

Komissiya üzvü qeyd edib ki, may ayında əfv sərəncamı ola bilər: “İstisna etmirəm ki, may ayında əfv sərəncamı ola bilər. Sözsüz ki, əfv sərəncamının nə zaman olacağı cənab prezident tərəfindən müəyyənləşdirilir”.

Qeyd edək ki, ümumilikdə indiyədək komissiyaya 1000-dək müraciət daxil olub və onlardan 500-nə baxılıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.