XalqXəbər.Az

XalqXeber.Az » Bölgə » Zaqatalanın icra başçısı ilə bağlı ŞOK İDDİA - NARAZILIQ VAR!

Zaqatalanın icra başçısı ilə bağlı ŞOK İDDİA - NARAZILIQ VAR!

Zaqatalanın icra başçısı ilə bağlı ŞOK İDDİA - NARAZILIQ VAR!
19-03-2021, 18:29

Zaqatalada biabırçı hadisə baş verib. JAMAZ.İNFO xəbər verir ki, rayonun icra başçısı Mübariz Əhmədov Şəhidlər arasında ayrı-seçkilik etdiyi üçün narazılıq yaranıb.
Belə ki, Əhmədov və Zaqatala İcra Hakimiyyətinin rəsmiləri Novruz Bayramı ilə əlaqədar rayondakı 44 günlük Qarabağ müharibəsi zamanı Şəhid olmuş qəhrəmanlarımızın ailələrinə baş çəkərək, onların məzarlarını ziyarət ediblər. Qalmaqala səbəb isə icra başçısının bir neçə kənddə qəbristanlıqda söylədiyi sözlər olub. Şəhid ailələrindən JAMAZ.İNFO-ya verilən məlumata görə, icra başçısı məzarlıqda olarkən, müavinlərindən biri ona Birinci Qarabağ müharibəsi zamanı Şəhid olmuş qəhrəmanlarımızın da məzarlarını ziyarət etməyi, onlar üçün dua oxunmasını təklif edib. Mübariz Əhmədov isə həmin təklifə qarşılıq olaraq “Onlar köhnə Şəhidlərdir, ziyarətlərinə ehtiyac yoxdur” deyə bildirib. Onun işlətdiyi bu sözlərdən sonra qəbrisranlıqda olan Şəhid ailələri narazılıq ediblər. İcra başçısını Şəhidlər arasında ayrı-seçkilik etməsinə görə qınayıblar.
Bu hadisədən sonra söhbət bütün rayona yayılıb və Birinci Qarabağ savaşında digər Şəhid olanların da ailələri icra başçısına etiraz ediblər. Onlar birlikdə dövlət başçısına Şəhidlər arasında ayrı-seçkilik edən icra başçısı ilə bağlı ölçü götürülməsi barədə müraciət edəcəklərini bildiriblər.

Qarşı tərəfin də mövqeyinin dərc etməyə hazırıq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.