XalqXəbər.Az

XalqXeber.Az » Siyasət » Şimali Koreyanın naziri Bakıya gəlir

Şimali Koreyanın naziri Bakıya gəlir

Şimali Koreyanın naziri Bakıya gəlir
3-04-2018, 09:57

Koreya Xalq Demokratik Respublikasının xarici işlər naziri Ri Yon-ho Qoşulmama Hərəkatında iştirak edən ölkələrin xarici işlər nazirlərinin Bakıda keçiriləcək iclasına qatılmaq üçün Azərbaycana səfər edəcək.

Bu barədə Cənubi Koreyanın “Yonhap” agentliyi məlumat yayıb. Bildirilir ki, KXDR xarici siyasət idarəsinin rəhbəri Bakıdan sonra Moskvaya səfər edəcək.

Qeyd edək ki, aprelin 5-6-da Bakıda “Davamlı inkişaf naminə beynəlxalq sülh və təhlükəsizliyin təşviq edilməsi” mövzusunda Qoşulmama Hərəkatı çərçivəsində xarici işlər nazirlərinin aralıq nazirlər konfransı keçiriləcək. Tədbirdə Qoşulmama Hərəkatında iştirak edən dövlətlər, həmçinin hərəkat yanında müşahidəçi statusu almış dövlət və beynəlxalq təşkilatların nümayəndələri, xüsusi qonaq qismində dəvət olunan ölkələr və təşkilatlar iştirak edəcəklər.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.