XalqXəbər.Az

www.XALQXEBER.az » Aktual » "Həmin vaxt Tağı Əhmədov Dubayda olub"

"Həmin vaxt Tağı Əhmədov Dubayda olub"

"Həmin vaxt Tağı Əhmədov Dubayda olub"
21-06-2017, 16:31

"MTN işi" ilə bağlı bugünkü prosesdə ifadə verən Tağı Əhmədovun dedikləri arasında ziddiyyət yaranıb.

Bu barədə jurnalistlərə açıqlamasında A.Çovdarovun vəkili Sadiq Rəsulov məlumat verib.

O bildirib ki, hakim Həbib Həsənov vəkillərə Tağı Əhmədova suallar verməyə imkan verməyib: "Akif Çovdarov da Tağı Əhmədovun prosesdə qalmasını və ona suallar vermək istədiyini dedi. Hakim bunu təmin etmədi.

Biz ondan 44 illik əmək haqqısı dediyi 3 milyon manatın mənbəyini soruşmaq istədik, hakim buna imkan vermədi. Elə bil Tağının yox, hakimlərin pulunun müqayisəsini aparırdıq. Mən 2006-cı ildən bəri Tağı Əhmədovun illik əmək haqqısı haqda çıxarış almışam. Tağı Əhmədovun qazancı illik 20-25 min manat olub. Bu da heç bir halda 3 milyon etmir".

Vəkil qeyd edib ki, Tağı Əhmədov istintaqa ifadəsini təsdiqləyib: "Sonra isə məhkəmədə dedikləri ilə istintaq ifadəsi arasında ziddiyyət aşkarlanıb".

Belə ki, Tağı Əhmədov istintaqda MTN əməkdaşı Rəsul Rəsulovla martın 26-da görüşdüyünü və Rəsul ona Çovdarovun pul istədiyini deyib. Tağı Əhmədov 2 gün sonra yenə Rəsul Rəsulovla görüşdüyünü və 3-5 milyon manat pul tələb edildiyini bildirib. Həmin vaxt da pulu düzəldib Çovdarova verib. Ruslan Əhmədov və Əli Əhmədov da pulu martın 26-27-si tarixlərində verdiklərini deyiblər.

S.Rəsulov deyib ki, anten məlumatlarında isə Tağı Əhmədovun həmin vaxt o ərazidə olmadığı bəlli olub: "Sərhəd Xidmətinə verilən sorğumuza cavabda məlum olub ki, martın 26-da Tağı Əhmədov Dubayda olub".

T.Əhmədov isə istintaqda elə söz demədiyini bildirib. Bu zaman hakim ona çıxıb getməsi göstərişini verib, o da zaldan çıxıb.

Vəkil bildirib ki, məhkəmə prosesi Tağı Əhmədovun istədiyi formada keçirilirib: "İstədiyi suala cavab verirdi, istəmədiyi suala yox. Hakim də buna göz yumurdu. Biz Tağı Əhmədova başa sala bilmədik ki, hakim sualı çıxarmayana qədər o suala cavab verməlidir, oğlu da hakimdir".

Məhkəmədə qısa danışan general Akif Çovdarov Tağı Əhmədova deyib ki, düz danış: "Mən 8 il sənin kuratorun olmuşam. Bir dəfə də sənlə aramda telefon danışığı olmayıb".

T.Əhmədov da bunu təsdiqləyib.

Proses fasilədən sonra davam etdiriləcək.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.