XalqXəbər.Az

www.XALQXEBER.az » Aktual » Safuranın atası məhkəməyə çıxarılır

Safuranın atası məhkəməyə çıxarılır

Safuranın atası məhkəməyə çıxarılır
26-12-2020, 11:25

Dövlət Təhlükəsizliyi Xidməti tərəfindən həbs edilən Xarici İşlər Nazirliyinin İşlər idarəsinin Təsərrüfat şöbəsinin müdiri Səlim Əlizadənin bu gün məhkəməsi keçiriləcək.

DTX istintaq orqanının vəsatəti əsasında prokuror təqdimat verərək S.Əlizadənin həbsdə qalma müddətinin uzadılmasını istəyib.

Təqdimata bu gün Səbail rayon məhkəməsinin hakimi Şəhla Süleymanovanın sədrliyi ilə baxılacaq.

Qeyd edək ki, Səlim Əlizadə “Eurovision” mahnı müsabiqəsinin iştirakçısı, tanınmış müğənni Safura Əlizadənin atasıdır. O, vəzifə səlahiyyətlərindən sui-istifadə etmə, mənimsəmə, rüşvət alma maddələri ilə təqsirləndirilir.

Xatırladaq ki, Safura Əlizadə mərhum energetika naziri Natiq Əliyevin oğlu Fərhad Əliyevin həyat yoldaşıdır.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.