Xəzər dənizində Həştərxan yaxınlığında iki kiçikhəcmli gəmi toqquşub.
Xalqxeber.az TASS-a istinadən xəbər verir ki, bu barədə Rusiya Fövqəladə Hallar Nazirliyinin region üzrə Baş İdarəsi məlumat yayıb. Bildirilir ki, qəza nəticəsində xəsarət alanlar var.
“Oktyabrın 7-də saat 17:20-də Baş idarənin operativ növbətçiliyinə İkryaninski rayonunda, Xəzər dənizində iki kiçikhəcmli gəminin toqquşması barədə məlumat daxil olub. Toqquşma nəticəsində xəsarət alanlar var”, - məlumatda deyilir.
***
Rəsmilər hadisə nəticəsində bir nəfərin öldüyünü bildirib.
Qeyd edilir ki, şturmanlardan biri olan 2000-ci il təvəllüdlü kişi təcili yardım gələnə qədər ölüb, ikinci gəminin şturmanı xəsarət almayıb.
