Türkiyədə ağır yol qəzası baş verib.
Xalqxeber.az xəbər verir ki, hadisə Niğde əyalətində, yerli vaxtla saat 4 radələrində qeydə alınıb.
Konya Səlcuq Universitetinin tələbələrini daşıyan avtobus Güney rayonu yaxınlığında aşıb. Hadisə zamanı tələbələrdən ikisi həyatını itirib, daha 42 nəfər yaralanıb.
Hadisə yerinə təcili yardım, polis cəlb edilib. Yaralılar Niğde və Ulukışla xəstəxanalarına aparılıb. Onlardan 5-nin vəziyyəti ağırdır.
Qəzanın başvermə səbəbi hələ məlum deyil.
Faktla bağlı araşdırma aparılır.
