XalqXəbər.Az

www.XALQXEBER.az » Dünya » İranlı Ancelina Coli koronavirusa yoluxdu

İranlı Ancelina Coli koronavirusa yoluxdu

İranlı Ancelina Coli koronavirusa yoluxdu
17-04-2020, 16:02

İranda sosial media fenomeni sayılan məhbus Fatimə Xişvənd həbsxanada koronavirusa yoluxub...
Məlumatı əsas ofisi ABŞ-da yerləşən İnsan Haqları Mərkəzi yayıb.

Bildirilib ki, 22 yaşlı bloggerin vəziyyəti ağırdır və tənəffüs aparatına qoşulub.

Qeyd edək ki, F.Xişvəndin “Instagram”dakı hesabının adı Sahar Tabardır. O, “Zombi gəlin”, “Zombi qız” kimi adlandırılır. F.Xişvənd Ancelina Coliyə oxşamaq üçün 50-yə yaxın estetik cərrahiyyə əməliyyatı keçirib.

Xatırladaq ki, F.Xişvənd 2019-cu il oktyabrın 5-də həbs olunub. Tehran hakimiyyəti onu “dini müqəddəsləri təhqir etməkdə, küfrdə, zorakılğı təbliğ və qanunsuz əmlak əldə etməkdə, hicab qaydalarını pozmaqda, korrupsiyada” ittiham edərək azadlıqdan məhrum edib. Onun “Instagram”dakı səhifəsi sındırılıb. Onun həbsindən üç gün sonra İranda tanınmış qadın bloggerlər Səhra Əfşarian, Sara Şəriətmədari və Nilufər Müti də oxşar ittihamlarla tutulublar.

İnsan hüquqlarını müdafiə edən təşkilatlar Fatimə Xişvəndin səhhəti ilə əlaqədar azadlığa buraxılmasını istəsələr də, hakimiyyət çağırışı cavabsız qoyub.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.