XalqXəbər.Az

XalqXeber.Az » Dünya » Heç kimin görmədiyi 1 milyonluq sual - VİDEO

Heç kimin görmədiyi 1 milyonluq sual - VİDEO

Heç kimin görmədiyi 1 milyonluq sual - VİDEO
25-09-2017, 13:19

Türkiyədə keçirilən "Kim Milyonçu Olmaq İstəyir" müsabiqəsində Qalatasaray Liseyinin tələbəsi Çağdaş İrfan Yıldırım maraqla gözlənən 1 milyonluq sual üçün yarışıb.
FaktXəbər-in məlumatına görə, Çağdaş İrfan Yıldırım müsabiqə tarixində maraqla gözlənən 1 milyonluq sualı görən ikinci şəxs olub.
Bilik müsabiqəsinin mövsüm finalında Çağdaş İrfan Yıldırım, ""Bir qız mənə əmi dedi, neyləyim" sözü hansı xalq şairinə aiddir" sualına düzgün cavab verərək 1 milyonluq suala çatmışdı.
Müsabiqənin dünən yayımlanan xüsusi bölümündə 19 yaşlı Çağdaş İrfan Yıldırım maraqla gözlənən 1 milyonluq sualı gördükdən sonra cavab verməyərək çəkilib.

Sual bu cür idi: Qurani-Kərimdə bunlardan hansına and içilməyib?

A: Dəniz, B: Günəş, C: Arı, D: Qələm.

Suala cavab verməsə də, Çağdaş İrfan Yıldırım "C" variantı üzərində düşündüyünü deyib. Sualın doğru cavabı da məhz "C" - Arı olub.
O, 1 milyonluq suala cavab vermədiyi üçün 250 min lirə qazanıb. Mükafatı təhsili üçün xərcləyəcəyini deyən Yıldırımın aldığı bu pul yarış tarixində ən yüksək məbləğ olub.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.