XalqXəbər.Az

www.XALQXEBER.az » Cəmiyyət » Məzahir Pənahov jurnalistləri girov saxlayaraq videoları sildirib – Sensasion iddia

Məzahir Pənahov jurnalistləri girov saxlayaraq videoları sildirib – Sensasion iddia

Məzahir Pənahov jurnalistləri girov saxlayaraq videoları sildirib – Sensasion iddia
1-03-2020, 12:16

Blogger, 31 saylı Suraxanı seçki dairəsindən deputatlığa namizəd olmuş Mehman Hüseynov MSK-nın son iclası ilə bağlı sensasion iddia səsləndirib.

"Yeni Sabah" xəbər verir ki, o MSK sədri Məzahir Pənahovun tapşırığı ilə iclasda iştirak edən jurnalistlərin uzun müddət qurumun binasında girov saxlanıldığını bildirib.

Səbəb isə M. Hüseynovun iclasda etdiyi çıxışın həmin jurnalistlər tərəfindən videosunun çəkilməsi olub:

"MSK-nın son iclasında Məzahir Pənahovun və onun saxtakar işçilərinin birbaşa üzlərinə dedim ki, mənim, dostlarımın haqqını yeyənlərin, bu seçkiləri saxtalaşdıranların, xalqın səsini oğurluyan müəllimlərin, həkimlərin, icra başçıların və ən əsası bax bu masada oturan Məzahir Pənahov səndən tutmuş hamınızın... Sizlər bizim gələcəyimizi məhv elədiniz! Bu xalq sizi heç vaxt bağışlamıyacaq!"

M. Hüseynov deyir ki, onun bu sözlərindən sonra MSK sədri və digərləri susub:

"Bu çıxışımı bütün televiziyalar, xəbər agentlikləri, hətta dost hesab etdiyimiz jurnalistlər çəkib. Amma bu video çıxışımı heç kim MSK-nın binasından çıxara bilmədi. Təsəvvür edin, gecə saatlarına qədər bütün jurnalistləri girov kimi binada saxlayıb, o çıxışımı bütün kameralardan pozdurublar".

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.