XalqXəbər.Az

www.XALQXEBER.az » Cəmiyyət » İcra başçısının oğlunun Rusiyadakı şirə biznesi çöküb - Sənədlər yayıldı

İcra başçısının oğlunun Rusiyadakı şirə biznesi çöküb - Sənədlər yayıldı

İcra başçısının oğlunun Rusiyadakı şirə biznesi çöküb - Sənədlər yayıldı
23-12-2019, 14:41

Lənkəran rayon İcra Hakimiyyətinin başçısı Taleh Qaraşovun vaxtilə polis orqanlarında işləmiş oğlu Vüsal Qaraşov ötən bir neçə il ərzində Rusiyada bizneslə məşğul olub...
Bu barədə jurnalist Cavanşir Həsənli feysbuk-dakı səhifəsində yazı paylaşıb.

O bildirib ki, icra başçısının oğlu 2017-ci ilin aprelin 20-də Rusiyanın Vladimirsk vilayəti, Suduqosk rayonu, Muromtcevo qəsəbəsində meyvə və tərəvəz şirələri istehsalı ilə məşğul olan "AZ İNVEST QRUP" MMC-ni (ОБЩЕСТВО С ОГРАНИЧЕННОЙ ОТВЕТСТВЕННОСТЬЮ "АЗ ИНВЕСТ ГРУП") qeydiyyatdan keçirib:

"Şirkət 10 min rubl nizamnamə kapitalı ilə vilayətin 1 nömrəli vergi idarəsində 1173328006070 saylı lisenziya alıb, qəsəbənin Pervomaysk küçəsi 70 ünvanındakı binanın 2-ci mərtəbəsində fəaliyyət göstərib. Şirkəti Bursikova Yekaterina Vasilevna adlı şəxs idarə edib.

2019-cu ilin yanvarında Vüsal Qaraşov şirkətin ləğv olunması üçün yerli vergi orqanlarına müraciət edib. Şirkət hazırda ləğvolunma prosesindədir".

Xatırladaq ki, Vüsal Qaraşov DİN sistemində işləyib. O Bakıda müxtəlif polis bölmələrinin rəisi vəzifələrində çalışıb.

mia.az
İcra başçısının oğlunun Rusiyadakı şirə biznesi çöküb - Sənədlər yayıldı

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.