XalqXəbər.Az

XalqXeber.Az » Sosial » FHN hospitalının önündə aksiya: - "Partlayışı heç kim boynuna almır"

FHN hospitalının önündə aksiya: - "Partlayışı heç kim boynuna almır"

FHN hospitalının önündə aksiya: - "Partlayışı heç kim boynuna almır"
18-12-2020, 16:18

Oksigen borusu partlayıb, çoxlu sayda ölən var, heç kim boynuna almır”.
“Meydan TV”ə istinadla xəbər veririk ki, bu sözləri FHN-nin Bakının Zığ qəsəbəsində yerləşən modul tipli hospitalının önündə aksiya keçirən vətəndaşlardan biri deyib. Aksiya iştirakçıları sözügedən hospitalda partlayış baş verdiyini və yaxınlarının dünyasını dəyişdiyini iddia edirlər.
Elşad adlı vətəndaş bildirib ki, hospitalın rəhbərliyi onların qarşısına çıxıb bu barədə açıqlama vermir.
Aksiyadan görüntüləri təqdim edirik:

Xatırladaq ki, ötən gün FHN-dən Yeniavaz.com-a bu barədə açıqlama verilmiş bə bildirilmişdi ki, yayılan məlumatlar tamamilə əsassızdır:
“Fövqəladə Hallar Nazirliyinin Tibb Mərkəzinə məxsus, koronaviruslu xəstələr üçün nəzərdə tutulmuş, Zığ qəsəbəsində yerləşən modul tipli xəstəxanada hər hansı hadisə baş verməyib. Təəssüf edirik ki, bəzi media orqanları heç bir dəqiqləşdirmə aparmadan, burada müalicə olunan şəxslərin ailə üzvlərini və yaxınlarını belə nəzərə almadan, bu cür yalan və böhtan xarakterli məlumatlar yayır. Bir daha qeyd edirik ki, xəstəxanada ölümlə nəticələnən hər hansı qəza və ya partlayış hadisəsi baş verməyib. FHN media nümayəndələrini bu cür xəbərləri yayarkən həssaslıq nümayiş etdirməyə, cəmiyyətdə çaşqınlıq və təşviş yaratmamağa, məlumatları nazirliklə dəqiqləşdirməyə çağırır”.

VİDEOYA BURADAN BAXA BİLƏRSİNİZ...

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.