XalqXəbər.Az

www.XALQXEBER.az » Sosial » Tanınmış jurnalistin bacısı səhhəti ilə bağlı Prezident İlham Əliyevə müraciət etdi

Tanınmış jurnalistin bacısı səhhəti ilə bağlı Prezident İlham Əliyevə müraciət etdi

Tanınmış jurnalistin bacısı səhhəti ilə bağlı Prezident İlham Əliyevə müraciət etdi
13-07-2020, 23:08

Mərhum, tanınmış jurnalist Zabil Müqabilöğlunun bacısı Sevinc Fərhadova "Araz Media" redaksiyası vasitəsiylə Azərbaycan Respublikasının Prezidenti cənab İlham Əliyevə müraciət etmişdir. Müraciəti olduğu kimi təqdim edirik.

Hörmətli cənab prezident!

Mən, Fərhadova Sevinc Müqabil qızı 1985-cı ilin Yanvar ayının yeddisində Zəngilan rayon Babaylı kəndində dünyaya göz açmışam. Atam Fərhadov Müqabil Nəci oğlu uzun müddət Zəngilan rayon 32 sayı orta məktəbində məktəb müdiri və tarix müəllimi işləyib. Anam Fərhadova Solmaz Dadaş qızı 40 il kimya ,biologiya müəlliməsi işləyib. Qardaşım Fərhadov Zabil Müqabil oğlu 19 il jurnalist işləyib. Valideynlərim və qardaşım haqq dünyasına qovuşublar. O vaxtdan tək yaşayıram. Zəngilan rayon 32 saylı orta məktəbində Uşaq Birliyi təşkilatının rəhbəri vəzifəsində işləyirəm. 245 Məcburi köçkünlərin məskunlaşdığı düşərgədə 2018-ci il Aprel ayının 21-də müəmmalı şəkildə evimiz yandı. 2018-ci il May ayında Qaçqınların və Məcburi Köçkünlərin İşləri Üzrə Dövlət Komitəsi tərəfindən Ramanı Şuşa şəhərciyində bir otaqlı mənzillə təmin olundum. Bunun üçün sizə və aidiyyatı üzrə müraciətimi nəzərə alan hər kəsə təşəkkür edirəm.

Möhtərəm cənab prezident!

Mənim səhhətimdə ciddi problemlər var. Ürəyə oksigen çatışmazlığı və qalxanvari bəzdən əziyyət çəkirəm. Əməliyyat üçün 2018-ci ildə May ayının 26-da Kapital Bankdan 36 faizlə 3min manat kredit götürdüm. O vaxtdan həmin kredit 111 azn məbləğində əmək haqqı kartımdan tutulur. Yerdə qalan məbləğlə ərzaq və dərman vasitələrimi ala bilmirəm. Sizdən xahiş edirəm, mənim banka olan borcumun ödənilməsi və səhhətimdəki mövcud problemlərin müalicə və müayinəsi dövlət tərəfindən nəzarətə götürülsün. Əvvəlcədən minnətdarlığımı bildirirəm.
Dərin hörmət və ehtiramla,
Sevinc Fərhadova.
Arazmedia.az

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.