XalqXəbər.Az

www.XALQXEBER.az » Sosial » Azərbaycanda gələn ay maska taxmaq məcburi olacaq

Azərbaycanda gələn ay maska taxmaq məcburi olacaq

Azərbaycanda gələn ay maska taxmaq məcburi olacaq
23-04-2020, 18:14

Bəzi Avropa ölkələrində karantin rejimi yumşaldığı üçün maska taxmaq məcburi olub. Belə ki, Polşada aprelin 16-dan vətəndaşlara maska taxmaq məcburi xarakter daşıyır. Almaniyada aprelin 27-dən küçəyə çıxacaq şəxslər məcburən maska taxacaqlar. Ehtimal ki, maska taxmaq məcburiyyəti qadağaların yumşalması ilə bağlıdı…
Mayın 4-dən etibarən Azərbaycanda da karantin rejiminin yumşaldılacağı gözlənilir.Bu halda ölkəmizdə də vətəndaşların tibbi maska taxması məcburi ola bilərmi?

Məsələ ilə bağlı danışan republikanın baş infeksionisti Cəlal İsayev bildirib ki, maska taxmaq məcburi olmalıdır:
“Çünki xəstəliyi yüngül keçirən insanlar var ki, onlarda müəyyən simptomların olması mümkündür. Hətta simptomsuz virusgəzdirənlik qalan insanlar ola bilər. Həmin insanlar xəstəliyin hansısa əlamətini özündə hiss etməsə də, virus ifraz etməkdə davam edirlər. Bu baxımdan hər bir insan təhlükəlidir.
Ona görə də karantin rejimi bitəndən sonra Azərbaycanda da müəyyən müddətdə insanların maska taxması məcburi olmalıdır”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.