XalqXəbər.Az

www.XALQXEBER.az » Sosial » “DOST xonçası” aksiyadan ənənəyə çevrildi

“DOST xonçası” aksiyadan ənənəyə çevrildi

“DOST xonçası” aksiyadan ənənəyə çevrildi
13-03-2020, 11:24

Əmək və Əhalinin Sosial Müdafiəsi Nazirliyi tərəfindən Novruz bayramı ərəfəsində başlanan növbəti “DOST xonçası” aksiyası bu dəfə də geniş vüsət alıb.
Qısa müddətdə onlarla təşkilat, biznes strukturları, banklar, tanınmış şəxs, eləcə də fərdi qaydada ayrı-ayrı insanlar Novruzun bayramlaşmaq kimi nəcib adətini əks etdirən bu kampaniyaya qoşulub. Tənha ahıllarımıza, həssas qruplardan olan insanlarımıza, aztəminatlı ailələrə “DOST xonçası” ilə baş çəkərək onlarla bayramlaşanların sayı hər gün artır.
Bu da xalqımızın qədim tarixə malik mili-mənəvi dəyərlərinə, Novruz adətlərinə sıx bağlılığından, ahıl insanlara, həssas qruplara qayğıkeş münasibətindən irəli gəlir.
Aksiyaya qoşulanlar bu barədə postlarını #dostxonçası həştəqi altında paylaşmaqla, digərlərini də bu kampaniyaya qoşulmağa dəvət edirlər.
“DOST xonçası” cəmiyyətdə bir aksiya kimi deyil, artıq bir ənənə kimi qəbul olunur.


AZƏRBAYCAN RESPUBLİKASI
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
İCTİMAİYYƏTLƏ ƏLAQƏLƏR VƏ KOMMUNİKASİYA ŞÖBƏSİ

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.