XalqXəbər.Az

www.XALQXEBER.az » Sosial » 724 nəfər uşağı olmadığı üçün boşanıb

724 nəfər uşağı olmadığı üçün boşanıb

724 nəfər uşağı olmadığı üçün boşanıb
4-03-2020, 16:47

2019-cu ildə Azərbaycanda uşaqları olmadığına görə pozulmuş nikahların sayı məlum olub.

Bu haqda Ədliyyə Nazirliyi bildirib. Qeyd olunub ki, 2019-cu ildə uşaqları olmadığına görə pozulmuş nikahların sayı 724 olub.

Xatırladaq ki, ötən il Ədliyyə Nazirliyinin rayon (şəhər) qeydiyyat şöbələri tərəfindən 63 869 nikah və 17 148 boşanma halları qeydə alınıb. Əhalinin hər 1 000 nəfərinə nikahların sayı 2018-ci illə müqayisədə dəyişməyərək eyni səviyyədə (6,4) qalıb, boşanmaların sayı isə 1,5-dən 1,7-yə qədər artıb.

Əhalinin hər 1 000 nəfərinə nikahlar Aran və Kəlbəcər-Laçın (6,9), Dağlıq Şirvan (6,8), Şəki-Zaqatala (6,6), Quba-Xaçmaz və Yuxarı Qarabağ (6,5) iqtisadi rayonlarında ölkə səviyyəsindən (6,4) yüksək olub, boşanmalar isə Bakı şəhərində və Kəlbəcər-Laçın (2,3), Abşeron və Yuxarı Qarabağ (2,0) iqtisadi rayonlarında ölkə səviyyəsindən (1,7) yüksək olub.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.