XalqXəbər.Az

www.XALQXEBER.az » Sosial » "Bravo” supermarketlərində TƏHLÜKƏ - İTTİHAM

"Bravo” supermarketlərində TƏHLÜKƏ - İTTİHAM

"Bravo” supermarketlərində TƏHLÜKƏ - İTTİHAM
5-03-2018, 17:27

"Bravo” supermarketlər şəbəkəsinin Əhmədli filialından alınan ətdə iynə (şprits) izləri olduğu iddia olunub.

BakuPost xəbər verir ki, bu barədə sosial şəbəkə istifadəçisi "Facebook”da foto və video paylaşıb. Görüntülərdə həqiqətən də ətin üzərində xırda dəliklər olduğu sezilir. Əti qəssablara göstərən istehlakçıya bu ətin normal olmadığını bildiriblər. Ətə bıçaqla basdıqda dəliklərdən şirəli, rəngli maye çıxır. Ətə şprits vasitəsilə çəkisini artırmaq üçün ya su, ya rəngqatıcı maddə vurulduğu versiyası üzərində dayanan alıcı ətdən kəskin qoxu gəldiyini də bildirib. Bu səbəbdən əti marketə qaytaran istehlakçı digər insanların fikrini öyrənmək üçün sosial şəbəkədə paylaşım edib.

Məsələ ilə bağlı Azad İstehlakçılar Birliyinin sədri Eyyub Hüseynov BakuPost-a açıqlama verib. O, ətdə iynə izlərinin olmasının inandırıcı olmadığını, belə bir məzmunda hələ istehlakçı şikayətinin daxil olmadığını deyib:

"Ola bilsin istehsal yerində, zavodda ət nazik qırmaqlarla qaldırılıb, qırmaqların izi qalıb. Baxır alınan ətin mənşəyinə. O marketdə normal istehsalçılardan ət məhsulları qəbul olunur. Ona görə şpritslə müdaxilə inandırıcı deyil. Əgər ciddi yerdən alınmayıbsa, təsadüfi yerdən alınıbsa, nə desən edərlər. Normalda ət kəsiləndən sonra 24 saat saxlanmalıdır, sonra şok dondurmadan keçirilməlidir. Şok dondurmadan keçən ətdə insan orqanizmi üçün zərərli olan bütün mikroblar ölür”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.