XalqXəbər.Az

www.XALQXEBER.az » Sosial » Silah anbarında baş verən partlayışda xəsarət alan şəxs Bakıya gətirilib

Silah anbarında baş verən partlayışda xəsarət alan şəxs Bakıya gətirilib

Silah anbarında baş verən partlayışda xəsarət alan şəxs Bakıya gətirilib
28-08-2017, 10:33

Müdafiə Nazirliyinin N saylı hərbi hissəsinin utilləşmə üçün hazırlanan silah-sursat anbarında baş verən yanğın və partlayışda xəsarət alaraq Siyəzən Regional Müalicə-Diaqnostika Mərkəzinə yerləşdirilən şəxs Bakıya gətirilib.
Partlayışda yaralanan Siyəzən rayon sakini, 1990-cı il təvəllüdlü Məmmədyarov Samir Famil oğlu ötən gecə təcili tibbi yardım maşını ilə paytaxta gətirilib və xəstəxanalardan birinə yerləşdirilib.
S.Məmmədyarovun xəsarətlərinin ağır olmadığı bildirilib. Həkimlər onun vəziyyətini sabit kimi qiymətləndiriblər.
Qeyd edək ki, ötən gün Müdafiə Nazirliyinin N saylı hərbi hissəsində naməlum səbəbdən baş verən yanğın nəticəsində həmin hərbi hissənin utiləşmə üçün hazırlanan silah-sursat anbarında partlayışlar baş verib. Hadisə nəticəsində 6 nəfər yaralanıb. Onlardan 5-i artıq evə buraxılıb.
Prezident İlham Əliyevin tapşırığına əsasən, hadisənin baş vermə səbəblərinin müəyyənləşdirilməsi və müvafiq təhlükəsizlik tədbirlərinin həyata keçirilməsi məqsədi ilə Müdafiə, Fövqəladə Hallar, Daxili İşlər, Səhiyyə nazirlikləri, Dövlət Sərhəd Xidməti, Baş Prokurorluq, yerli icra strukturları və digər dövlət orqanlarının nümayəndələrindən ibarət komissiya yaradılıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.