Göyçay sakini, 10 aprel 1975- ci il təvəllüdlü Ceyhun Ədalət oğlu Mövsümov 26 aprel 1994 – cü il tarixində Ağdərə ətrafında gedən döyüşlərdə şəhid olub. Şəhidin atası Ədalət kişi bir çox problemləri həll etdikdən sonra dövlət tərəfindən şəhid ailələrinə ayrılmış 11300 manat kompensasiyanı ala bilib. Ancaq hələ də hər ay ödənilməli olan 300 manat məbləğində olan Şəhid təqaüdünü ala bilmir.
DİA.AZ xəbər verir ki, aidiyyatı qurumlar bəhanə olaraq, Şəhidin anasının hələ Sovet dönəmindən Rusiya Federasiyasına getməsini, eləcə də boşanma sənədinin və ananın bu təqaüdə iddiasının olub olmaması haqqında yazılı müraciətinin yoxluğunu göstərir.
Ədalət kişi deyir ki, “keçmiş həyat yoldaşı haqqında heç bir məlumatı, əlaqəsi yoxdur. O, bizi atıb gedib, heç bilmirik sağdır, ya ölüb. Ancaq Sosial Müdafiə Nazirliyi bunu bəhanə edərək, şəhid oğlumun təqaüdünü mənə verməkdən imtina edir. Mən hesab edirəm ki, bu bəhanə ədalətsizdir.”
İddia olunanlarla bağlı qarşı tərəfi də dinləməyə hazırıq...
