XalqXəbər.Az

www.XALQXEBER.az » Bölgə » 24 ildir icra başçısı işləyir... - Qaraşov haqqında ilginc iddia

24 ildir icra başçısı işləyir... - Qaraşov haqqında ilginc iddia

24 ildir icra başçısı işləyir... - Qaraşov haqqında ilginc iddia
19-02-2020, 11:20

“24 ildir icra başçısı işləyir, yenə də deyir vəzifədən alınsam ürəyim yatar”.

DİA.AZ bildirir ki, bunu Lənkəran rayon İcra Hakimiyyətinin başçısı Taleh Qaraşov haqda həmin İH-də işləyən adının çəkilməyini istəməyən şəxs deyib: “Ötən il səhhətində problem yaranmışdı, ürəyindən şikayəti vardı. Onda demişdi ki, məni heç bir xəstəlik yıxa bilməz, amma vəzifəmdən olsam ölərəm. Bu adamın gözü vəzifədən doymur”.

T.Qaraşov 1996-2002-ci illərdə Kürdəmir, 2002-2006-cı illərdə Cəlilabad, 2006-2011-ci illərdə Neftçala, 2011-2012-ci illərdə Astara rayonlarının icra başçısı işləyib. 2012-ci ilin aprel ayından Lənkəran Şəhər İcra Hakimiyyətinin başçısıdır. 1959-cu ildə Kürdəmir rayonunda anadan olub. İxtisası inşaatçı-mühəndis və politoloqdur.

Onun haqqında ən çox söylənən həddən artıq böyük varidata səbəb olmasıdır. Hətta bəzi məlumatlara görə, başçının var-dövləti o həddədir ki, onun hər səfalı rayonda villası, imarəti var: “Çox böyük imarətlərindən biri də Lənkaran meşəliyində yerləşir. Lənkərana rəhbər gəldiyi gündən rayonda keçirilən bütün tenderləri oğluna həvalə edib milyonlara sahib olan icra başçısı əndazəsiz var-dövlət yığıb. Astara istiqamətində prezidentin iqamətgahına çox yaxın ərazidə də özünə villa tikdirib”.

Qarşı tərəfin mövqeyini verməyə hazırıq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.