XalqXəbər.Az

www.XALQXEBER.az » Siyasət » İlham Əliyev Rusiya ilə yeni hərbi müqavilə üzərində iş getdiyini açıqlayıb

İlham Əliyev Rusiya ilə yeni hərbi müqavilə üzərində iş getdiyini açıqlayıb

İlham Əliyev Rusiya ilə yeni hərbi müqavilə üzərində iş getdiyini açıqlayıb
24-01-2018, 12:11

“Rusiya ilə hərbi-texniki əməkdaşlığa dair yeni sazişlər üzrə danışıqlar aparırıq. Bu istiqamətdə heç bir məhdudiyyət görmürük”.
Bunu “RİA Novosti”yə müsahibəsində Azərbaycan Prezidenti İlham Əliyev deyib.

Ölkə başçısı müsahibəsində bildirib:“Bu, daim diqqət mərkəzimizdə olan prosesdir. Hazırda danışıqlar davam edir. Siz daha yaxşı bilirsiniz ki, Rusiyanın hərbi sənayesi inkişaf edir, yeni müasir silahlar yaranır.

Dövlət başçısı bu istiqamətdə Rusiya ilə əməkdaşlığı məhsuldar adlandırıb.

Prezident həmçinin qeyd edib ki, Azərbaycanın Rusiya ilə imzaladığı sazişlərin əksəriyyəti icra olunub. Artıq silahların alındığını deyən İ. Əliyev əməkdaşlıq üzrə gələcək planlar üzərində işin davam etdiriləcəyini bildirib. “Azərbaycanda və Rusiyada heç bir məhdudiyyət yoxdur”, - deyə o vurğulayıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.