Gəncədə uşaq ölümü qeydə alınıb.

APA-nın yerli bürosunun məlumatına görə, hadisə Gəncə Şəhər Səhiyyə İdarəsinin Regional Perinatal Mərkəzində baş verib.

Belə ki, Göygöl rayonun Quşqara kənd sakini doğuş üçün xəstəxanaya gətirilib. Xəstəxanaya yerləşdirilən qadını dərhal müayinə ediblər. Həkimlərin səyinə baxmayaraq, körpənin həyatını xilas etmək mümkün olmayıb. Ananın vəziyyəti isə normaldır.

Xəstənin yaxınlarının sözlərinə görə, körpənin ölümünə həkim məsuliyyətsizliyi səbəb olub.

Hadisənin baş vermə səbəbləri araşdırılır.