Maliyyə Bazarlarına Nəzarət Palatası 2019-cu ilin yanvar ayı üzrə sığorta bazarının göstəricilərini açıqlayıb.
“Marja” Palataya istinadən xəbər verir ki, 2018-ci ilin Yanvar ayı ilə müqayisədə 2019-cu ilin Yanvar ayında 7 sığorta şirkətinin (“A-Qroup Sığorta Şirkəti” , “Atəşgah Həyat” Sığorta Şirkəti, “AXA MBASK” Sığorta Şirkəti , “AZSIĞORTA” , “Günay Sığorta”, “Qala Həyat” Sığorta Şirkəti və “Standard Insurance) hesabladığı sığorta haqları azalıb. 14 şirkət isə yığımlarını artırıb.
2019-cu ilin yanvar ayı üzrə hesablanmış sığorta haqları və sığorta ödənişləri haqqında məlumat (təcili məlumatlar əsasında) (min manatla)
Bu ilin yanvar ayında Azərbaycandakı 21 sığorta şirkətinin xətti ilə 88 milyon 195 min manat məbləğində sığorta haqqı toplanılıb. Bu, ötən ilin eyni dövrü ilə müqayisədə 6,6% çoxdur.
Ay ərzində sığorta şirkətlərinin həyata keçirdikləri ödənişlərin məbləği isə 17 milyon 156 min manat təşkil edib. Bu isə illik müqayisədə 25,4% azdır.
2019-cu ilin yanvar ayında sığorta bazarında toplanmış hər 100 manat sığorta haqqının 19,45 manatı ödəniş edilib. 2018-ci ilin müvafiq dövründə bu göstərici 27,8 manat olub.
