XalqXəbər.Az

www.XALQXEBER.az » Gündəm » Əsədovla erməni siyasətçi arasında gərginlik - Ərdoğandan sərt reaksiya

Əsədovla erməni siyasətçi arasında gərginlik - Ərdoğandan sərt reaksiya

Əsədovla erməni siyasətçi arasında gərginlik - Ərdoğandan sərt reaksiya
22-05-2017, 16:38

İstanbulda prezident Ərdoğanın sədrliyi ilə baş tutan Qara Dəniz İqtisadi Əməkdaşlıq sammitinin toplantısında Ermənistanla Azərbaycan arasında gərginlik yaşanıb.

Türkiyə KİV-nə istinadən xəbər veririk ki, Milli Məclisin sədri Oqtay Əsədov çıxışı zamanı bölgədə insan dramlarının yaşandığına diqqət çəkərək Ermənistanın işğalçılıq siyatasətinə toxunub: “Bu, yurdundan edilən bir milyon azərbaycanlı üçün yeni bir şey deyil. Təəssüf ki, bu gün üzv ölkələrdən biri zəhərli ideologiyasından vaz keçməyib. Dözümsüzlük və şiddət tətbiq etməkdə davam edir. Tətbiq etdikləri ideologiya bölgəni çirkləndirməklə yanaşı, həmin ölkənin inkişaf etmək fürsətlərini də öz xalqının əlindən alır. Ermənistan Azərbaycan torpaqlarının 20 faizini işğal altında saxlayır. Beynəlxalq hüququ çeynəyir. BMT-nin Təhlükəsizlik Şurasının qərarlarını vecinə almır”.

Çıxışının demək olar ki, hamısını Qarabağ məsələsinə ayıran Ermənistanın xarici işlər nazirinin müavini Aşot Hovakimiyan O.Əsədovun çıxışına etiraz əlaməti olaraq “Qara Dəniz İqtisadi Əməkdaşlıq Təşkilatı siyasi ittiham yeri deyil” deyib.

Prezident Ərdoğan da toplantının siyasi ittiham yeri olmadığı fikri ilə razılaşıb və əlavə edib ki, burada heç bir təmsilçi ittihamlar səsləndirməyib. “Siz çıxışınızın hamısını siyasi dəyərləndirməyə ayırdınız” deyərək Ermənistan təmsilçisinə etiraz edib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.