Bu gün Bakı Ağır Cinayətlər Məhkəməsində dələduzluqda təqsirləndirilən, Gömrük Komitəsinin sabiq əməkdaşı Möhöbbət Əhmədovun məhkəməsi keçirilib.
Hakim Faiq Qəniyevin icraatında olan prosesdə baxış iclası keçirilib. M.Əhmədov özünü qismən təqsirli bildiyini deyib.
O ifadə verərək deyib ki. zərərçəkmiş Nizaməddin Məmmədovdan 113 min manat alaraq onu Mədəni-Maarif Texnikumuna direktor təyin etdirəcəyini vəd edib: “Mən bu işi Eldarın vasitəsilə həll edəcəkdim. Pulu da ona verdim, sonra Eldar intihar etdi. İş də alınmadı. Sonra da Nizaməddinə 31 min manat qaytardım”.
Proses dekabrın 25-də davam etdiriləcək.