ATV-nin keçmiş prezidenti Vüqar Qaradağlı işdən ayrılarkən özüylə çox bahalı bəzi avadanlıqları da aparmaq istəyirmiş.

Daxil olan məlumatda bildirilir ki, xüsusən canlı yayım üçün nəzərdə tutulan və dəyərli milyon manatla ölçülən avadanlıq (bu avadanlıq canlı yayımı 5 dəqiqə gecikdirir-red.) məhz Qaradağlı telekanala rəhbər təyin edildikdən sonra alınıbmış. Keçmiş prezidentin ATV-dən aparmaq istədiyi digər avadanlıqlar isə 100-150 min dəyəri olan kameralar imiş. Ancaq telekanalın mühafizə xidmətinin müdaxiləsindən sonra V.Qaradağlı və komandası bu istəklərindən əl çəkiblər.

Xatırladaq ki, V.Qaradağlının tutduğu vəzifə müvəqqəti olaraq CBC telekanalının baş direktoru Azər Xəlilova tapşırılıb.

Qeyd edək ki, “CBC” telekanalı əvvəllər ATV -nin tərkibində "ATV International" kimi fəaliyyət göstərib.

"Ölkə.Az"