Türkiyənin Rizə vilayətində Salarha tunelinin açılışı olub.

Xalqxeber.az xəbər verir ki, açılış mərasiminə qatılan Türkiyə Prezidenti Rəcəb Tayyib Ərdoğan çıxışında bu tunelin Rizənin 70 illik xəyalı olduğunu deyib.

Ərdoğan bildirib ki, ötən gün istifadəyə verilən İyidərə-Ekizdərə yolu ilə Hurmalık tunelləri bölgənin Cənubi Qafqazla əlaqəsini daha da asanlaşdıracaq:

"Salarha tuneli sahəsində 14 kilometr uzunluğundakı yolun məsafəsi azalaraq 4,5 kilometrə düşdü. Əvvəllər bu yol yarım saata qət edilirdisə, indi 5 dəqiqəyə mənzil başına çatacağıq”.