Fransa sərhədlərini iyunun 15-də səyahətçilər üçün açacaq, ancaq bu, yalnız Avropa İttifaqı və bəzi digər Avropa dövlətlərinə şamil olunacaq.

Bu barədə Xarici İşlər Nazirliyi və Daxili İşlər Nazirliyi rəhbərlərinin ortaq kommünikesində məlumat verilib.

Mətndə deyilir ki, COVID-19 pandemiyasına qarşı mübarizə aparmaq üçün onların Avropa daxili sərhədlərini (quru, hava və dəniz) keçməsinə qoyulan məhdudiyyət 15 iyun 00:00-dan etibarən ləğv ediləcək.

Bildirilir ki, Avropa İttifaqına üzv ölkələrin vətəndaşları, habelə Andorra, İslandiya, Lixtenşteyn, Monako, Norveç, Sent-Martin, San Marino, İsveçrə və Vatikan vətəndaşları Fransaya gələ biləcəklər. Eyni zamanda, turistlərə onlarda koronavirusun olmaması haqqında sertifikat və ya 14 günlük karantinə getmək lazım olmayacaq.

Bundan əvvəl AB sərhədlərini əcnəbilər üçün iyulun 1-dən açacağını bildirmişdi.