Bir vaxtlar ABŞ prezidenti Donald Trampın müşaviri olmuş siyasi xadim və yazıçı Rocer Ston koronavirus pandemiyasını "Microsoft"un qurucusu Bil Geytsin yaydığını iddia edib.

Xarici mətbuata istinadən xəbər veririk ki, sabiq müşavir Bil Geytsin insanlara çip taxmaq üçün bu xəstəliyi yaydığını deyib.

"Bil Geytsin bu epidemiyanın yaradılması və yayılması müddətindəki rolu çox önəmlidir. Bəzi dostlarım bu iddiaların gerçək olmadığını söyləsə də, digərləri bunun çox məntiqli olduğunu deyir. Geyts və başqa qlobal güclər bu peyvəndləri və mikroçipləri məcburi hala gətirmək istəyirlər. Lakin heç kim mənim bədənimə mikroçip taxa bilməyəcək", - deyə Ston bildirib.