XalqXəbər.Az

www.XALQXEBER.az » Dünya » Ərdoğan 6 saatlıq toplantıdan sonra Suriya ilə bağlı qərar verdi: Havadan və qurudan...

Ərdoğan 6 saatlıq toplantıdan sonra Suriya ilə bağlı qərar verdi: Havadan və qurudan...

Ərdoğan 6 saatlıq toplantıdan sonra Suriya ilə bağlı qərar verdi: Havadan və qurudan...
28-02-2020, 09:16

Xəbər verdiyimiz kimi, Əsəd rejimi tərəfindən İdlibdə Türkiyə Silahlı Qüvvələri 33 şəhid, 32 yaralı verməsindən sonra Türkiyə Prezidenti Rəcəb Tayyib Ərdoğan Ankarada Beştəpədəki Prezident Adminstrasiyasında təcili toplantı keçirib.

Prezident Rəcəb Tayyib Ərdoğanın sədrliyi ilə keçirilən Təhlükəsizlik Zirvə toplantısı 6 saat davam edib. Qərar verilib ki, şəhid və yaralı hərbiçilərin qisası misliylə Bəşər Əsəd rejimindən alınacaq.

"Hava və qurudan rejimin bütün hədəfləri bombalanır və hazırda bu prosses davam edir".

O da qərar verilib ki, Rəcəb Tayyib Ərdoğan Ankarada Beştəpədəki Prezident Adminstrasiyasında təcili toplantısında verilən qərarla bağlı hər hansı başqa açıqlama verilməyəcək.

Prezident Adminstrasiyasının İctimaiyyətlə əlaqələr şöbəsinin rəhbəri Fəxrəddin Altun yazılı açıqlamasında bildirib ki, Suriyada yüz minlərlə Suriyalının ölümündə rejim hakimiyyəti günahkardır və Türkiyə bu məsələdə mübarizəsindən əl çəkməyəcək.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.