Ermənistanın sabiq prezidenti Serj Sarkisyan 2016-cı ilin aprel döyüşləri ilə bağlı ifadə verəcək.

Ermənistan KİV-nə istinadən xəbər veririk ki, bu barədə Ermənistan parlamentinin Müdafiə və Təhlükəsizlik Komitəsinin sədri Andranik Koçaryan açıqlama verib.

Sarkisyanın aprel döyüşlərinin səbəb və nəticələrini araşdıran komissiya qarşısına çıxacağı gözlənilir.

“Öncə bütün veriləcək sualların siyahısını hazırlamalıyıq. Yalnız bundan sonra həmin sualları Sarkisyana təqdim edəcəyik”.

Ermənistanda aprel döyüşləri ilə bağlı komissiya bu ilin iyununda yaranıb.