Ermənistanın hakim Respublikaçılar partiyası və “Daşnakstyun”un parlament fraksiyaları Serj Sarkisyanın ölkənin baş naziri postuna namizədliyini rəsmən irəli sürüb.

Qərar fraksiyaların keçirdiyi birgə iclasın yekununda qəbul olunub. Cəmi 5 dəqiqə davam edən iclasda Serj Sarkisyan yeganə namizəd olub və qərar hər iki fraksiya üzvləri tərəfindən yekdilliklə qəbul olunub.

Qeyd edək ki, baş nazir seçimi aprelin 17-si Milli Məclisin iclasında baş tutacaq.

Xatırladaq ki, hazırda paytaxt İrəvanda müxalif fraksiyası olan "Elk"ın təşkilatçılığı ilə əhali küçələrə axışaraq Sarkisyanın baş nazir postuna gətirilməsi cəhdlərinə etirazlarını bildirirlər.