İranın keçmiş prezidenti Əhmədinejad xəyanət ittihamı ilə üzləşib.
Aralarında keçmiş nazirlər də olan Əhmədinejad kabinetinin 43 üzvü sabiq prezidenti “ölkəni qarışdırmaq istəyən xarici düşmənlərə zəmin hazırlamaq”la ittiham edib.
Əhmədinejadın hökumətə qarşı tənqidləri də “radikal və dağıdıcı” olaraq qiymətləndirilib. Bununla yanaşı, Əhmədinejada “inqilabın prinsiplərinə geri qayıt” çağırışı da edilib.
Bir müddətdir hökuməti və Ayətulla Əli Xamaneini tənqid edən Əhmədinejadın adı korrupsiya qalmaqalında da hallanır.
Əhmədinejadın dövründə prezident köməkçisi işləmiş Hamid Bekayi korrupsiya ittihamı ilə 15 il müddətinə azadlıqdan məhrum edilib. Onun digər köməkçisi İsfəndiyar Rahim Meşai də Tehran İnqilab Məhkəməsinin apardığı rüşvətxorluq işi çərçivəsində həbs edilib.
