ABŞ-nin Karib dənizində artan hərbi iştirakı ilə bağlı xərcləri 3 milyard dollara yaxınlaşıb.
Bunu "Bloomberg"in hesablamaları göstərir.
Məlumata görə, Karib dənizində hərbi xərclərin artımı 2,9 milyard dollara çatıb. Ən əhəmiyyətli xərc maddələrindən biri təyyarədaşıyan gəmi olan "Gerald R. Ford" və onu müşayiət edən zərbə qrupunun bölgəyə yerləşdirilməsi olub ki, bu da ABŞ administrasiyasına 2025-ci ilin noyabr ayından bəri təxminən 740 milyon dollara başa gəlib.
Noyabrın ortalarından yanvarın ortalarına qədər ABŞ donanmasının təxminən 20 %-i bölgədə cəmləşib; belə bir qruplaşmanın saxlanılması gündə təxminən 20 milyon dollara başa gəlir.