ABŞ Prezidenti Donald Tramp Rusiya və Ukrayna arasında qeyri-müəyyən müddətə atəşkəsə nail olmağın zəruriliyini bildirib.
Bunu Ağ Evin nümayəndəsi Karolin Levitt brifinq zamanı deyib.
"Prezident Donald Tramp aydın şəkildə bildirib ki, ona tam atəşkəs lazımdır", - Ağ Evin nümayəndəsi qeyd edib.
K.Levittin sözlərinə görə, ABŞ Prezidenti Ukrayna münaqişəsinin həlli imkanı ilə bağlı hələ də nikbin əhvali-ruhiyyədədir.
Qeyd edək ki, Rusiya Prezidenti Vladimir Putin faşizm üzərində qələbənin 80-ci ildönümü günlərində atəşkəs elan edib.
