XalqXəbər.Az

www.XALQXEBER.az » İdman » Futbolçumuzdan canlı yayımda topla vurduğu xanıma hədiyyə - VİDEO

Futbolçumuzdan canlı yayımda topla vurduğu xanıma hədiyyə - VİDEO

Futbolçumuzdan canlı yayımda topla vurduğu xanıma hədiyyə - VİDEO
8-07-2017, 10:56

Ötən gün Avropa Liqasının birinci təsnifat mərhələsinin cavab oyunu çərçivəsində keçirilən "İnter” – "Mladost” (Serbiya) matçından öncə xoşagəlməz anlar yaşanıb.

Qarşılaşmanı canlı yayımlayan "CBC Sport” telekanalının müxbiri Səmra Əliyeva matç öncəsində bakılıların məşqçisi Zaur İsmayılovdan açıqlama alan zaman, futbolçu Mirhüseyn Seyidovun vurduğu top xanım müxbirin üzünə dəyib. Buna baxmayaraq , S. Əliyeva peşəkarlıq nümayiş etdirərək özünü itirməyib, canlı yayımı davam etdirib.

Mirhüseyn Seyidov müxbirin onu bağışladığını dedi:

"Həmin vaxt komanda məşq edirdi. Biz də iki-üç nəfərlə bir-birimizə uzaq ötürmələr edirdik. Yer də sürüşkən idi. Ötürmə vaxtı da top təsadüfən Səmra xanımın üzünə dəyib. Dünən videonu görəndə çox pis oldum. Xanımın özü ilə danışıb, üzrxahlıq etmişəm. Bu gün də bir kiçik hədiyyə göndərib, təkrar üzr istəmişəm. O da dedi ki, bu, mənim işimdir. Qarşılıqlı anlayışla bir-birimizi başa düşdük”.

yeniçağ

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.