Millinin və “Sabah”ın futbolçusu Aleksey İsayev yığmanın durumundan danışıb.
O, son vaxtlar yığmamızın gələcək baş məşqçisinin kim olacağına dair aparılan müzakirələrə də münasibət bildirib.
26 yaşlı futbolçu müzakirələrdə ən çox adı hallanan Rəşad Sadıqovun milliyə baş məşqçi təyin olunma ehtimalından da söz açıb. O, “Sportal”a açıqlamasında deyib:
“İşim futbol oynayıb milliyə kömək olmaqdır. Kim olacaqsa, o da olacaq. Sırf Rəşad Sadıqov haqda danışsaq, düşünürəm ki, mən də daxil olmaqla hamı onun baş məşqçi təyin olunmasına sevinərdi”.
