XalqXəbər.Az

www.XALQXEBER.az » İdman » Tofiq Heydərov istefa verdi

Tofiq Heydərov istefa verdi

Tofiq Heydərov istefa verdi
9-12-2017, 10:25

Ağır atletika üzrə yığma komandanın baş məşqçisi Tofiq Heydərov postundan gedib.

Onun yerinə gənc mütəxəssis Asif Məmmədov təyin edilib.

Heydərov isə fəaliyyətini federasiyanın vitse-prezidenti kimi davam etdirəcək.

Qeyd edək ki, o, AAAF Park yaşayış kompeksinin rəhbəridir. Bir müddət öncə Heydərovun həbsi ilə bağlı xəbərlər də yayılmışdı.

***

Tofiq Heydərovun istefa səbəbi kimi işlərinin çoxluğu göstərilsə də, onun gedişinin əsl səbəbi başqadır. Xatırladaq ki, o, hələ milli komandadan ayrılmaq qərarını İslam Oyunlarından bir müddət sonra vermişdi. Belə ki, ağır atletika millimizin üzvləri Anastasiya İbrahimli və Hafiz Süleymanov oyunlarda medal qazansalar da, bunu dopinqlə əldə etmişdilər. Sonradan onların qanında aşkarlanan lazımsız preparatlar Heydərovu sarsıtmışdı. Milliyə baş məşqçi təyin olunandan dopin qalmaqallarının qarşısını almağı hədəfləyən çalışdırıcı bunu bacarmayınca yığmanın sükanı arxasından gedəcəyi ilə bağlı öz feysbuk hesabında məlumat yaymışdı.
Lakin sonradan onun müəyyən qədər millidə qalması istənilmişdi. Yeni baş məşqçi axtarışı bitənə qədər millidə qalmağa razılaşan Heydərov artıq rəsmən postundan gedib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.