“İki gün öncə “Qarabağ”ın “Kopenhagen” üzərində qələbə qazanması xalqımızın yaddaşından uzun müddət getməyəcək”.

Milli Məclisin deputatı, Azərbaycan Kikboksinq Federasiyasının prezidenti Adil Əliyev klubumuzun uğurundan danışarkən bildirib. O, əlavə edib:

“Bu gün “Qarabağ” xalqımızın sevimli klubuna çevrilib. Hər kəs “Qarabağ”la fəxr edir. Azarkeşlərin güclü dəstəyi “Qarabağ”ın oyunlarda qələbə qazanmasına böyük stimul yaradır.

23 avqustda “Qarabağ”ı çətin sınaq gözləyir. İnanıram ki, “Qarabağ” qələbə qazanıb Çempionlar Liqasının qrup mərhələsinə düşüb dünyanın nüfuzlu klublarını ölkəmizə gətirəcək. Cavab oyunu Kopenhagendə olduğu üçün Azərbaycan icmasının üzərinə böyük məsuliyyət qoyur. Xaricdə yaşayan soydaşlarımız “Qarabağ”ı tək qoymamalıdırlar. Komandanın onların dəstəyinə böyük ehtiyacı var.

Baş məşqçi Qurban Qurbanov başda olmaqla, komandaya uğurlar arzulayıram”.