“Qarabağ”ın Çempionlar Liqasının pley-off mərhələsində qarşılaşacağı “Kopenhagen”lə oyunun biletləri avqustun 12-dən satışa çıxarılıb. Artıq 2 gündür ki, Tofiq Bəhramov adına Respublika Stadionunun qarşısında izdiham yaşanır.
Azarkeşlər bilet almaq üçün səhər saatlarından növbə gözləyirlər. Bölgələrdən gələn “Qarabağ” fanatları çətinliklə üzləşdiklərin deyirlər.
“Kassalarda ancaq 1 və 50 manatlıq biletlər var. Digər biletlər “qara bazar”da satılır. Orada isə qiymətlər bahadır. İki gündür növbə gözləyirik, amma bilet ala bilmirik”,- deyə azarkeşlər şikayətləniblər.
Qeyd edək ki, avqustun 15-də keçiriləcək “Qarabağ” – “Kopenhagen” matçı saat 20:00-da başlayacaq.
