Paytaxtın sabiq meri Hacıbala Abutalıbovun “söküntü məsələlərinə” baxan Zülfəli İsmayılovu sözün həqiqi mənasında Bakı sakinləri “ev yıxan, ev dağıdan, adamların evini başına uçurdan“ kimi tanıyırlar.
Əslində, Zülfəli İsmayılov Bakı Şəhər İcra Hakimiyyətində Nəzarət-təftiş şöbəsinin müdiridir.
Amma icra başçıları ondan daha çox söküntü işlərində istifadə edirlər.
Zülfəli İsmayılov sökməkdən, dağıtmaqdan, uçurmaqdan da milyonlar qazanmağı bacarır və uzun illər şəhər meriyasının “kassası” olub. Bakının hər rayonunda ticarət obyektləri, mülkləri var. Və ən əsası əli böyüklərin ''ətəyindədir''.Yoxsa, icra başçıları dəyişəndə Zülfəli İsmayılov öz postunu qoruya bilməzdi.
Dəfələrlə yoxlama nəticəsində Zülfəli İsmayılovun həbs olunacağı ilə bağlı xəbərlər yayılsa da o, “ölməz kaşey” kimi canını qurtara bilib.
Əli böyüklərin ətəyində olan Zülfəli.
Bunu əbəs yerə yazmadıq.
Bəli, Zülfəli İsmayılovun bir əli məhkəmə, o biri əli prokurorluq orqanlarından yapışır. Harada vəzifəli adam gördüsə, qohum olmağa çalışır.
Uzun illər Baş prokurorluqda İdarə rəisi işləmiş bir nəfərlə də qohumdur, kirvədir və məclislərdə bu əlaqələrin möhkəm olduğunu tez-tez dilinə gətirir.
Öz qohumluq əlaqələrindən istifadə edib dələduzluq əməlləri ilə məşğul olanları qanun qarşısında cəzadan yayındırır. Bununla da cəzasızlıq mühiti yaradır. Və unudur ki, cəzasızlıq dövlətin dayaqlarını sarsıdır.
Maraqlıdır, görəsən həmin şəxsdən sonra Zülfəliyə prokurorluqda indi kim “kirvəlik” edir?
Bu barədə növbəti yazıda. //gundelik-baku.com//
