Xəbər verdiyimiz kimi, Tarif (qiymət) Şurası ötən gün Azərbaycanda suyun qiymətinin artırılmasına qərar verib.
Bir kubmetr su təchizatının tarifi ƏDV daxil olmaqla əhali üzrə Bakı, Sumqayıt, Xırdalan şəhərləri və Abşeron rayonu üçün 70 qəpik, digər inzibati ərazi vahidləri üzrə 60 qəpik, tullantı sularının axıdılması xidmətinin tarifi isə ölkə üzrə bir kubmetr üçün 30 qəpik səviyyəsində təsdiq olunub.
Suyun qiymətinin artması sosial şəbəkələrdə geniş müzakirələrə səbəb olub.
Tədqiqatçı-jurnalist Cavanşir Həsənli qiymət artımından sonra "Azərsu" ASC-nin sədri Qorxmaz Hüseynova məxsus olduğu iddia edilən hamamların fotosunu paylaşaraq bu sözləri yazıb: "Deyilənə görə "Azərsu"nun şefi Qorxmaz Hüseynovun hamamlarıdır. Suyu yəqin 1 milyardlıq Oğuz-Qəbələ-Bakı kəməri ilə gəlir”.
