XalqXəbər.Az

www.XALQXEBER.az » Cəmiyyət » Ramiz Mehdiyevin satışa çıxardığı villa 20 hektar ərazidə imiş – Foto

Ramiz Mehdiyevin satışa çıxardığı villa 20 hektar ərazidə imiş – Foto

Ramiz Mehdiyevin satışa çıxardığı villa 20 hektar ərazidə imiş – Foto
14-09-2020, 17:37

Azərbaycan Milli Elmlər Akademiyasının (AMEA) prezidenti, akademik Ramiz Mehdiyevin Göyçayın Hüngütlü kəndində yerləşən villasının satışa çıxarması barədə məlumat vermişdik.

Villa hər tərəfdən 6 metr hündürlükdə hasarla əhatə olunub. Satış qiyməti 2,5 milyon manatdır. Villanın ərazisində vertolyot enmək üçün xüsusi meydança var.

Villanı akademikə sabiq Nəqliyyat naziri Ziya Məmmədovun bağışladığı iddia edilir.

Blogger Həbib Müntəzir xəbər təsdiq edən təfərrüatları paylaşıb. O, qeyd edib ki, Ziya Məmmədov həmin villanı xalası oğlu Mənsur Məmmədov Göyçayın icra başçısı olan zaman inşa etdirib. Mənsur Məmmədov hazırda Ucar rayonunun icra başçısıdır.

Bloggerin yazdığına görə, 20 hektar əraziyə sahib malikanədə bahalı dekorativ ağaclar və cürbəcür meyvə ağacları ilə birlikdə süni göl də var. Villa 2014-cü ildə tikilib. Ondan əvvəl isə ərazi düzənlik olub. (Yenisabah)
Ramiz Mehdiyevin satışa çıxardığı villa 20 hektar ərazidə imiş – Foto

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.