XalqXəbər.Az

www.XALQXEBER.az » Cəmiyyət » Tofiq Yaqublu apelyasiya şikayəti verdi

Tofiq Yaqublu apelyasiya şikayəti verdi

Tofiq Yaqublu apelyasiya şikayəti verdi
7-09-2020, 13:03

Müsavat partiyasının keçmiş sədr müavini Tofiq Yaqubluya verilən hökmdən apelyasiya şikayəti verilib.

Bu barədə onun vəkili Aqil Layıc məlumat verib. O bildirib ki, apelyasiya şikayətində T.Yaqubluya qarşı olan bütün ittihamların götürülməsi və qısa zamanda azadlığa buraxılması istənilib.

Xatırladaq ki, Nizami rayon məhkəməsinin hakimi Nəriman Mehdiyevin hökmü ilə T.Yaqublu 4 il 3 ay müddətinə azadlıqdan məhrum edilib.

Rəsmi açıqlamaya görə, martın 22-si günorta saat 15 radələrində paytaxtın Nizami rayon ərazisində Tofiq Yaqublu idarə etdiyi “Toyota Corolla” markalı avtomobillə manevr qaydalarını pozaraq Elxan Cəbrayılovun idarə etdiyi “VAZ-2107” markalı avtomobillə toqquşub. Daha sonra T.Yaqublu avtomobildən düşərək Elxan Cəbrayılovun üzərinə hücum edərək onu yumruq və vintaçanla vurub. Bu zaman Elxan Cəbrayılovun sərnişini, həyat yoldaşı Cəvahir Cəbrayılova onları ayırmaq üçün yaxınlaşdıqda Tofiq Yaqublu qadını da itələyib və Cəvahir Cəbrayılova maşının qapısına dəyərək xəsarət alıb. T.Yaqublu ittihamları qəbul etməyib və özünü təqsirli bilməyib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.